دوشنبه 25 یاغیم|قوس 1398 برابر با 16 دسمبر 2019
باش خط
  • غزنی ولایتیده حربی عسکرلردن 27 ته‌سی هلاک ایتیلگن
پښتو فارسی English
سلام وطندار سلام وطندار

سلام وطندار

  • باش‌صحیفه
  • سیاست
  • اوروش
  • دنیا‌
  • اجتماع
  • اقتصاد
  • مدنیت
  • ‍‍بیلیم
  • سپورت
  • تنلنمه‌لر
  • برنامه
  • صورت
اقتصاد

طالبان گروهی نینگ ییل‌لیک درآمدی برق پولی‌دن 665 میلیون افغانی بوله‌دی

  20 ایگیز|جوزا 1398
اولَش

افغانستانده برق ایشلب چیقاریلیشی اوچون ییترلیچه سوو و مناسب ظرفیت موجود دیر، بیراق حاضرگه‌قدر افغانستان برقی‌دن کوپینچه‌سی قوشنی مملکت‌لردن تأمین ایتیله‌دی و افغانستان بوییچه برق ملی شرکتی (برشنا) مشتریلردن برق پولی‌نی توپلب و برق بیره‌دیگن مملکت‌لرگه توللش خصوصیده مسؤول دیر. بیراق، بوتون مشتریلر برق خرجتی‌نی توللمه‌یدیلر؛ اینیقسه زوروانلردن بیرقطاری و طالبان نظارتی‌ده بولگن منطقه‌لرنی یشاوچیلری برق پولی‌نی توللش‌دن باش تارته‌دیلر.

برشنا شرکتی ایریم پیت‌لر برق پولی‌دن قرضدار قالگن‌لرنینگ رویخطی‌نی نشر قیله‌دی، بیراق حاضرگه‌قدر طالبان نظارتی ده بولگن منطقه‌لرنی برق خرجتی خصوصیده دقیق رقم قولگه کیریتیلمه‌گن.

سلام‌وطندار مذکور ولایت‌لرگه باش اوریب و طالبان نظارتی ده بولگن منطقه‌لرنی برق خرجتی‌دن رقم قولگه کیریتگن و شونینگدیک، بو پول قییرگه کیتیشی نی بیللی قیلگن.

سلام‌وطندار تامانیدن قولگه کیریتیلگن رقم گه کوره، برق پولی‌دن طالبان گروهی نینگ ییل‌لیک درآمدی کمیده «665.000.000» افغانی گه ییتیشه‌دی. اوشبو مبلغ هلمند، قندوز، بغلان، فاریاب، تخار و هرات ولایت‌لریدن توپلنه‌دی؛ شونینگدیک، مذکور گروه نینگ حضوری سیزیلگن باشقه منطقه‌لرده برق ییتیشمه‌گن و طالبان گروهی بیلن اهالی محلی برق منبعی سوو توربین‌لریدن فایده‌لنه‌دیلر.

مذکور منطقه‌لرده بولگن سلام‌وطندار خبرچی‌لری نینگ ایتیشیچه، طالبان نظارتی ده بولگن منطقه‌لرده برق پولی‌نی جوده هم تیزیم‌لی دیر و بو گروه هر ایکی آیده بیر مرته برق پولی‌نی توپله‌یدی و اهالی هم آچیق سیما بیلن حسابات‌لری مذکور گروه گه همکارلیک قیله‌دی.

هلمند؛ رویخط باشیده

اوشبو ولایتده طالبان گروهی نینگ کوپینچه درآمدی برق پولی‌دن کیله‌دی. بو ولایتده هر ایکی آیده برق پولی‌دن توپلنگن مبلغ کمیده 36 میلیون افغانی بوله‌دی.

هلمند ولایتی نینگ محلی رسمی‌لری، مذکور ولایت نینگ شمالی تومن‌لریده برق پولی طالبان گروهی تامانیدن توپله‌نیشی‌نی تصدیقلب ایتیشیچه، گرچند کجکی برق توغانی بوتونله‌ی دولت نظارتی‌ده دیر، بیراق موسی‌قلعه تومنی اوستیگه طالبان گروهی بوتونله‌ی حاکم‌لیگی سبب، مذکور گروه موسی‌قلعه، کجکی و سنگین تومن‌لری برق پولی‌نی بوتونله‌ی توپله‌یدی. سلام‌وطندارگه صحبت بیرگن هلمند حاکمی سوزلاوچیسی عمر زواک نینگ ایتیشیچه، لشکرگاه و قندهار ولایتی نینگ برق لینی طالبان نظارتی‌ده بولگن منطقه‌لردن اوته‌دی و شو یوزه‌دن اولر مذکور منطقه‌لر برقی‌نی کیسه آلمه‌یدی. اونگه کوره، توپلم شکلده هلمند ولایتی گه 50 میگاوات برق صادر ایتیله‌دی و بو جمله‌دن 20 میگاوات قندهارگه، 11 میگاوات لشکرگاه شهری گه و باشقه 15 میگاواتی مذکور ولایت نینگ طالبان نظارتی ده بولگن اوچ شمالی تومنی گه صرف ایتیله‌دی.

جناب زواک نینگ ایتیشیچه، برشنانی 11 میگاوات برق دن بولگن ییل‌لیک درآمدی 176 میلیون افغانی گه ییتیشه‌دی و بو رقم گه قیاس قیلینگنده، طالبان گروهی نینگ 15 میگاوات دن قولگه کیریته‌دیگن ییل‌لیک درآمدی 218 میلیون افغانی بوله‌دی. شونینگدیک، اونینگ اورغولشیچه، بو منطقه‌لرنی برق پولی طالبان نینگ چونته‌گی گه کیره‌دی.

قندوز و بیر یریم ییل‌ده بیر افغانی ماجراسی

هلمند ولایتی‌دن کیین قندوز طالبان گروهی اوچون برق پولی‌دن کوپ درآمد قولگه کیریتیله‌دیگن ولایت سنله‌دی. برق پولی توپلنه‌دیگن ورق ده «اسلامی امارت مُهری و پول توپله‌یدیگن مسؤول امضاسی» کورینه‌دی و بو ورق اساسیده، قندوز شهریده 22 مینگ‌دن آرتیق عایله (22757 مشتری) نینگ برق پولی طالبان خزانه‌سیگه توکیله‌دی.

قندوز ولایتیده برشنا شرکتی حوزه‌یی محمد مومندنینگ ایتیشیچه، طالبان گروهی شونچه عایله‌نی تهدید قیلیب صرفله‌گن برق برق پولی‌نی برشناگه بیرمس‌لرینی سوره‌گن. جناب مومندگه کوره، طالبان گروهی نینگ شو درک‌دن قولگه کیریته‌دیگن هر مترخوانلیک درآمدی 34 میلیون افغانی‌دن آرتیقراق بوله‌دی. قندوز ولایتیده برشنا شرکتی حوزه‌یی باشلیغی نینگ کوپه‌یتیریشیچه، اولر بیر یریم ییل‌دن بویان طالبان نظارتی‌ده بولگن منطقه‌لردن برق پولی اوچون «بیر افغانی» هم آلمه‌گن.

بغلان؛ برشنانی بوتون درآمدیدن 16% توپلنه‌دی

بغلان ولایتی نینگ ایریم بولیم‌لریده هم طالبان گروهی نینگ حضوری سیزیله‌دی. آتی فاش ایتیلیشی‌نی ایستمه‌گن محلی بیر منبع نینگ سلام‌وطندارگه ایتیشیچه، طالبان گروهی پلخمری شهری نینگ بیشینچی و آلتینچی ناحیه‌سی و مرکزی بغلان تومنی‌نینگ ایریم قسمت‌لریدن برق پولی‌نی توپله‌یدی و بو رقم برشنا شرکتی نینگ بوتون درآمدیدن 16فایزینی تشکیل بیره‌دی.

مذکور منبع گه کوره، برشنا شرکتی نینگ کمیده 36 ترانسفارمری طالبان حاکمیتی‌ده بولگن منطقه‌لرده دیر و هر بیر ترانسفامرنی کمیده 200 میتری بار و هر بیر دور میترخوانلیک‌ده مذکور منطقه‌لرده «43.223.651» کیلووات برق صرفلنه‌دی. منبع دن نقل قیلینیشیچه، هر بیر دور میترخوانلیک‌ده اوشبو منطقه‌لردن طالبان گروهی تامانیدن قولگه کیریتیله‌دیگن اورته درآمد 18 میلیون افغانی گه ییتیشه‌دی.

فاریاب

شونینگدیک، فاریاب‌ده طالبان گروهی ایرکین شکلده اهالی‌دن برق پولی‌نی توپلب جنگریلرنی جهازله‌یدی.

فاریاب ولایتیده برشنا شرکتی مسؤولی سیدعبدالحمیدنینگ ایتیشیچه، طالبان گروهی هر بیر دور میترخوانلیک‌ده خواجه‌سبزپوش، شیرین‌تگاب، دولت‌آباد، قرمقول، خانچارباغ تومن‌لری و پشتونکوت تومنی نینگ ایریم بولیمی‌دن کمیده 12 میلیون افغانی برق پولی توپله‌یدی.

شونینگدیک، سلام‌وطندارگه صحبت بیرگن فاریاب ولایتی شیرین‌تگاب تومنی ولسوالی سیدشراف‌الدین میهن‌یارنینگ ایتیشیچه، طالبان گروهی هر بیر دور میترخوانلیک‌ده مذکور تومندن کمیده 2 میلیون افغانی قولگه کیریته‌دی. فاریاب رسمی‌لری و باشقه بیش تومن محلی مسؤوللری، طالبان نینگ درآمدی توغریسیده دقیق رقم بیرمه‌یدی، بیراق محلی منبع نینگ سلام‌وطندارگه ایتیشیچه، مذکور تومن‌لرده طالبان درآمدی شیرین‌تگاب تومنی بیلن بیردیک دیر.

هرات؛ ساتیش بهاسی آلیش‌دن آز دیر

هرات ولایتی هم کارواندن کیین قالمه‌گن. هرات ولایتیده برشنا شرکتی مسؤولی محمدطاهر عارف، مذکور ولایتده طالبان گروهی تامانیدن برق پولی توپله‌نیشی‌نی تصدیقلب سلام‌وطندارگه ایتیشیچه، طالبان گروهی کیشک رباطسنگی تومنیده 30 قیشلاق و گلران تومنیده 7 قیشلاق اهالیسی‌دن برق پولی‌نی توپله‌یدی. جناب عارف، طالبان گروهی تامانیدن قولگه کیریتیله‌دیگن پول توغریسیده دقیق بیرمه‌یدی، بیراق ایتیشیچه، بو منطقه‌لرده چمه‌سی 4 مینگ عایله حیات کیچیره‌دی و هر بیر عایله‌نی کونده‌لیک خرجتی 50 افغانی گه ییتیشه‌دی. جناب عارف گه کوره، طالبان گروهی نینگ هر بیر دور میترخوانلیک‌دن قولگه کیریته‌دیگن درآمدی «10.500.000» افغانی گه ییتیشه‌دی. اونگه کوره، طالبان هر کیلووات برق دن 2-3 افغانی آله‌دی و عین حالده، هر کیلووات برق 6-7 افغانی ساتیب آلینه‌دی.

تخار؛ پول گه قرشی تینچلیک

تخارده وضعیت فرقلی دیر. طالبان گروهی اوشبو ولایتده برق پایه‌لرینی بوزمه‌سی اوچون برشنا شرکتی بیلن کیلیشگن و برشنا شرکتی هر ییل مذکور گروه گه کوپلب پول بیره‌دی. طالبان گروهی‌نینگ باج آلیش‌لری خصوصیده بولگن حجت‌لرنی قولگه کیریتیش خصوصیده سعی و حرکت قیلدیک، بیراق امنیتی قیین‌چیلیک باعث، منبع حجت‌لرنی سلام‌وطندارگه تاپشیرمه‌گن.

قندوز ولایتی نینگ علی‌آباد، خان‌آباد و امام‌صاحب تومن‌لریده طالبان گروهی کینگ شکلده فعالیت قیله‌دی و بو تومن‌لرده برق پولی‌‌نی توپلش گه علاوه، گل‌تپه و چهاردره تومن‌لری نینگ قطار منطقه‌لریده برق خرجتی‌دن کوپلب پول قولگه کیریته‌دی.

پول توپلش خصوصیده کوچ‌سیزلیک

برشنا شرکتی سوزلاوچیسی وحیدالله توحیدی نینگ ایتیشیچه، طالبان نظارتی‌ده بولگن منطقه‌لردن برق پولی‌نی توپلش‌گه قادر ایمس‌لر و شونینگدیک، تینچ منطقه‌لرنی برقی طالبان نظارتی‌ده بولگن منطقه‌لردن اوتکزیلگن، شو یوزه‌دن، مذکور منطقه‌لر برقی‌نی کیسه آلمه‌یدیلر. جناب توحیدی نینگ کوپه‌یتیریشیچه، اهالیگه برق ییتیشتیریش برشنا شرکتی نینگ مسوولیتی دیر. او، اوروش تامانلریدن مذکور شرکت خذمت‌لریدن سیاسی فایده‌لنمس‌لرینی طلب قیلگن.

برشنا شرکتی سوزلاوچیسی‌گه کوره، طالبان نظارتیده بولگن منطقه‌لر برقی نی خرجتی بو شرکت تامانیدن ضایعات حساب‌لنه‌دی و شرکت درآمدی آرقه‌لی جبران ایتیله‌دی.

طالبان سوزلاوچیسی ذبیح‌الله مجاهد، سلام‌وطندار بیلن اوتکزگن صحبتی‌ده برق پولیدن قولگه کیریتگن درآمد توغریسیده معلومات بیرمه‌یدی، بیراق برق پولی‌دن قولگه کیریتیلگن درآمدلر برق ییتیشتیریش شبکه‌لردن مراقبت قیلیش و اعضالریگه امتیاز توللنیش خصوصیده هزینه ایتیله‌دی دیدی.

عین‌حالده، محلی رسمی‌لر و حربی ایش بیلرمانلردن بیرقطاری گه کوره، حکومت طالبان گروهی نینگ درآمدلرینی جدی آلمه‌گن و آلمه‌یدی، بیراق طالبان گروهی شو درآمدلردن زمانه‌وی اوروش تجهیزات‌لرینی تیارلش‌گه قوللنه‌دیلر.

بوندن آلدین هم سلام‌وطندار طالبان گروهی نینگ باج‌آلیشی، عشرو زکات و گمرک‌لر آرقه‌لی 22 میلیارد افغانی پول توپله‌گنی توغریسیده گزارش ترقتگن ایدی و مذکور گزارش‌ سلام‌وطندار سایتیده موجود دیر.

اولَش
Email Facebook Twitter Google Pluse

اقتصاد حقیده موضوع‌لر

  • 17 یاغیم|قوس1398

    سارک تشکیلاتی و اقتصادی ترقیات‌گه ایریشیش‌ده کوچ‌سیزلیک

  • 17 یاغیم|قوس1398

    مالیه وزیرلیگی نینگ سایه‌سیده بولگن میلیونلیک شرطنامه‌لرده فساد موجود

  • 14 یاغیم|قوس1398

    دنیا بانکی: تینچلیک‌دن کیین هم دنیا جماعه‌چیلیگی افغانستان گه یاردم بیریشی کیره‌ک

  • 10 یاغیم|قوس1398

    کابل شهریده‌گی تیل تانک‌لریدن 60% استندردسیز قوریلگن

ینگی‌لیکلر

  • 16 یاغیم|قوس1398

    بدخشان و دایکندی ده برقرارلیک و یقینلیک تیمی نینگ طرفدارلری ناراضیلیک بیلدیریشدی

  • 11 یاغیم|قوس1398

    اسکات میلر و دوستم تینچلیک و خوفسیزلیک توغریسیده سوزلشدی

  • 11 یاغیم|قوس1398

    نماینده‌لر کینگشی: صحرا کریمی نینگ عیب‌لاولری تیکشیریله‌دی

  • 10 یاغیم|قوس1398

    افغانستانده بیر ییل جریانیده 150 ایجابی ایدز واقعه‌سی رویخط‌گه آلینگن

دسته بندی

  • سیاست 2156
  • اوروش 3504
    • دنیا 506
    • اجتماع 3028
    • اقتصاد 806
  • مدنیت 321
  • بیلیم 169
    • سپورت 370
  • تحلیل‌لر‌
  • تدقیقات
  • تینچلیک و برابرلیک سیلاو تیمی ترقاقلش عره‌فه‌سیده

    14 ییغیم|اسد 1398
  • جمهور رییس‌نینگ فاریابلیک‌لرگه بېرگن وعده‌لری عمل‌گه آشه‌دیمی؟

    24 ایکیم|حمل 1398
  • معارف وزیرلیگی نینگ اۉزبېک اۉقووچیلریگه قیلگن جفاسی

    19 ایکیم|حمل 1398
  • امرالله صالح نیمه اوچون عزیز بولگن؟

    11 تیرکه‌م|دلو 1397
  • غزنی معارفی نینگ آرقه‌سیده اسلامی حزب؛ وزیرنینگ حکمی نیمه اوچون عملی بولمه‌یدی؟

    5 سَنجه‌م|عقرب 1398
  • جمهور رئیس ریجه‌سی؛ مرکزی سیلونینگ 40 جریب ییری کاردان بیلیم یورتی‌گه ساتیلگن

    24 اولچاو|ميزان 1398
  • بیر سیر فولاد 15 افغانی؛ آچیلمه‌گن موزیم تالان بولدی

    16 بیشیم|سرطان 1398
  • طالبان گروهی نینگ ییل‌لیک درآمدی برق پولی‌دن 665 میلیون افغانی بوله‌دی

    20 ایگیز|جوزا 1398
  • Fouad Badawy

    تجربة تجربة...

  • Ashraf Reda

    First Comment...

  • Fouad Badawy

    Love the TieLabs Logo :)...

کوپ کورینیله دیگن

  • بغلان باش پناه ایزلاوچی‌لری نینگ وضعیتی یخشی بولگن؛ حکومت ایش یره‌تگن

    24 یاغیم|قوس 1398
اجتماعی ترماقلر ده بیز بیلن بیرگه بولینگ
افغانستان ییتکر‌مه‌لری رویخطی‌گه کیریش اوچون بو ییرنی باسینگ
برچه حق‌لرنی اوزیگه سقلیدی © 2016
  • English
  • پشتو
  • دری
إغلاق